Um okkur
Fjölskyldufyrirtæki sem hefur sérhæft sig í smákrönum og hífingum á erfiðum stöðum frá 2003.
Smákranar
Smákranar ehf. voru stofnaðir 2003 þegar eigendurnir, Erlingur og Hildur, sáu nýja tegund vinnuvéla – svonefnda smákrana. Stærð þeirra gerir að verkum að hægt er að fara með þá á afvikna staði þar sem önnur tæki komast ekki, t.d. inn í byggingar, garða og kjallara og upp á þök háhýsa. Afráðið var að fá til landsins fyrsta UNIC smákranann, en fyrst um sinn gekk hægt að veita honum brautargengi. Svo fóru verktakar að veita þessu nýja tæki athygli, sérstaklega fyrir það hversu vel gekk að leysa erfið hífingarverk innandyra.
Árið 2007 jukust umsvif Smákrana þegar tveir smákranar bættust í flotann. Árið 2011 keypti fyrirtækið svo P&H krana, 25 t að lyftigetu, sem hefur reynst mjög vel á stærri verkstöðum. Árið 2013 fengu Smákranar söluumboð fyrir ítölsku JMG rafmagnssmákranana. Þeir eru á hjólum líkt og rafmagnslyftarar en hafa lyftitölvu (SLI) sem tilgreinir nákvæmlega hversu hátt og langt má hífa byrði. Tveir kranar, 2,5 t og 6 t að lyftigetu, voru fengnir til landsins og hafa reynst frábærlega.
Árið 2015 kom stærsti kraninn okkar til landsins, Liebherr LTM 1045-3.1, 45 t bílkrani sem þrátt fyrir stærðina hentar mjög vel fyrir viðskiptavini Smákrana. Árið 2016 bættust svo tveir UNIC smákranar í flotann, UNIC 295 og UNIC 706, en sá síðarnefndi er með 20 m bómu og 3 m jibbframlengingu.
Í október 2017 fengum við okkur svo glænýjan bílkrana af gerðinni Liebherr LTC 1045-3.1. Hann er svipaður hinum bílkrananum, nema með 36 m langri bómu sem hægt er að lengja með jibbi upp í 50 m.
